Yahoo Finance Yahoo Travel HK
90後成情人節外遊豪客 平均消費萬二人仔
情人節就過咗喇，唔知大家係點樣度過呢？好多人可能都係食餐飯、睇場戲，不過同時間好多情侶都會選擇出走外遊，去異地過一個甜蜜情人節。「攜程」就2017情人節做咗一個問卷調查。結果發現有近4分1會選擇情人節期間於外地度過，而主要消費群更來自90後呢，係首年超越80後！而平均一對情侣嘅外遊使費為12,154人仔。而數到熱門目的地，超過6成都選擇國外，當中最受歡迎頭三位分別為第一泰國、第二日本、第三韓國；國內目的地則為第一三亞、第二廈門、第三昆明。另外有個有趣發現，就係關於情侶外遊時挑選嘅酒店種類喇。最受歡迎係Resort、豪華大床房、主題房、蜜月房等，而95後嘅年輕就更偏向情趣酒店呢！不過情人節嘅酒店同樣供不應求，大大加價，由2月11號開始至情人節當晚嘅房價，平均加幅竟然高達2.1倍，唔比大時大節小喎！另外呢，原來出遊嘅人之中，都有13%係單身遊，一方面免得留喺到畀人閃盲，另一方面又多個異地情緣機會嘛！
【立即讚好】全新 Yahoo 旅遊 Facebook 專頁
Yahoo 旅遊以全新樣貌登場，Facebook 專頁當然同時煥然一新！立即讚好，每日睇盡旅遊新資訊！
Resort係其中最受情侶歡迎嘅酒店種類之一。
（圖：aguidetolivingwell@tumblr）
泰國、日本、韓國成為情人節最熱門外遊國家。
（圖：my-thereal-aestheic@tumblr）
單人遊亦有13%，都叫有一定市場，可以開發下喎。
（圖：yesthrill@tumblr）
相關文章：
